Yzi hneingasapa ta hropaha sa su vei-

Achu na patlota raipha kawpazy ahri hawpa siku hawti mohlu picha ama saya paw lata hmaokha ta ama vaw cha rei kho kala. Bie zy vaw rei kala leima ei ta achana liata cha ama rai hriana liata amapalo phao zy, ama rypao leinazy, arai runa zy saita ama vaw rei ba. Ama saya pawta asiku hawti naw do awpata coffee hlupi vaw taota- Tawta dona awpa bana ana nopa saita vaw lata, ama ru kawpazy, achhikawpazy, aphakawpazy anano sai zydua liata vawtao khaita do ty u avaw ta ei. Siku hawti zydua cha coffee bana cha vawla kala khai eita- Ama Saya pawta... "Nama zydua nama hmo ma he liata nama coffee bana kha aphaviapazy, amaru viapazy saita avaw la u chita- achhivia saita ay ba. Chysa mo ta cha apeina y taraw leita Chysa zyduata aphapasa ta eima kho tapa nama pahno khai. He zydua he atahma nama vaw rei ngapa nama ry leina ky saita acha. Hmeiseita cha nam do khopa cha coffee chata, bana cha vei- chahrasala chysa hlu viata cha bana phavia saita ama la kho. He hawhrana heta namahro chhao coffee nata alyu, Tawta nama raizy, taka kyzy, nama y lapa chysa yzi zy, nama rai asa nawpa zydua he coffee nata alyu ta. Reipa khiacha coffee bana cha coffee sonawpa, asakaw pachhaota eima chaba thei nawpa ta, khahawpa bana liata chhao chasala coffee paha na cha anano hlei vei..." tahpa ta arei. Coffee ma nado aw, Bana ma nado aw... Eima hro he yzi hneikawpa tama eima y aw, hneirona zy mopata palo phuhri pami kawpa ta eima y aw tahpa he Keimo sasy ta pacha awpa aby...