Thi na taita ngachhihpa viasa phapa-

Unawh nama chhaota viasa nahnei hra aw. Phopa miakha vaw rei tua sila... Hlano ta khipi pa khikha liata Ohzi ama tahpa hawti pakha y ta. Nokha cha Khi bei pathi apatao vata thina taita thie awpa ama vaw ta ba. Ohzi he nopaw zy reingia kawpa acha vata athi ba awpa vata Nopaw nata aty thei awpa ta a vaw rei cha, Khi beipa ta avaw pasai khao va. Ohzi viasa pa Damo ta Khi bei lacha vawta Ohzi cha heta keima ychy vana tahta avaw chho. Ohzi avaw tlo thei leikhia cha keima he nathie va chi tahta- Tawta, Khi beipa ta Ohzi cha vaw pasai ta... Thie ba awpa notaita Ohzi cha vaw tlo ma leipa vata Aviasa pa Damo he thina tlala cha ama sie khei haw ba. Chysa to zyta Damo cha amaopa y tah ei ta, ama vaw rei pachhie nga ba. Thi ba awpa daitih ta liata Ohzi cha vaw tlo ta- Chysa mo hlupi zydua cha ama rei da khai haw ba ta... Viasa phapa cha he tla hema acha tah ei ta ama vaw ly ku vaw chalua eita. Chysa to ta ama noah khaipa cha- Khi beipa ta amo pano peinaw he thi lei awpa ta avaw rei haw ba. "Khi beipa ei chana he amo pano viasa ky apachana apathlai awpa kaw" tahta Zawpi hmia liata avaw rei. ((Thi na taita ngachhihpa viasa phapa eima hro chho liata pakha chhao eima hneithei khia ta cha...))