35 ways to better health in 2013-

35 ways to better health in 2013- 1-A châtheina hawta ahlupi ta tido achhuala,athlôh ti (juice) hawhpa he do achado mah ei. 2-My pati he ahlutheina haw ta niela nochhôh pati adaihpa ta niela zâh pati he achy thei na hawta nie achhua mah ei. 3-Âhna lasi nata thothei zy he ahlu ta nie thei achhuala, chyhsa sa/taopa puapa niedo he nie acha do mah ei. 4-Thlachhanâ, Bie hrai reina,apa kyna zy he hnei thei achhua la, na palôh tha cha padâh aw ei ta palôh ru tha tlôna acha pie aw ei. 5-Lathli thapatlôpa palao na hawhpa he hâhlei ta paplao la,châhna hnei chhôh pa zy dua châ bu reinata ahmâ mah ei. 6-2012 no ta narei tyhpa châbu hlâta hlu viapa ta rei thei achhua mah ei. 7-No chareih ta mini 10 chhi a châh piela su kha kha liata na palôh pazawsisa leipa ta palôh â choh ngâsapa ta atyu achhua mah ei. 8-Noh khata Daw Sari-7 chhôh ta amo mah ei. 9-My di na vaw thyu charei ta pachâna dopa/phapa ta na palôh pa hra achhua lyma mah ei. He hawta achâ thei nawpa ta rai chyta thyu ta buaba kaw ngâpa hlâta mydi hmâ via ta thyupa to la na châta aly chhipa nata thaphapa my ta acha pathao sa thei aw. Personality: 10-Noh khata mini 10 taw mini 30 taihta ahlai/chakâ (walk) parei mah ei. Na chakâ nota hmia phao pha ngâsa/pahnei sili pata y mah ei. 11-Na hrona nata na châna na heih/viah nata pakho ta palôh thachha, hiatliana zy hawpa he na hro lia hnei kha ei. Na heih/vaih hro apalâ/pha kaw pata reih pa rei thei leipa chita na heih/vaih chhao ta ahma tawhta na hro achâpa rei aw tahpa rei thei hra va ei. 12-Hmô chhiepa pachâ /Palôh pachâ chhiena hnei rai kha ei, avai thai thei tlo leipa aw chita chavâta na hnei chhopa daihti châh zy aphana saita nata hmôpha pachâ ta tlao hma chhua mah ei. 13-Nâma nata nâma ta kyhtoti liata keima leipa ta châ thai aw vei,tlô awvei tapa pachâna he pahlei ha mah ei. 14-Nâma ta na tao thei leipa nata na tathei leipa chô liata achhiena la tawhta rei, palôh pa chhâsa, hiehâh ta y-na châta palôh tha a padâh awpa nata alyna acha pie awpa ky hropa zy tlua hri mah ei. 15-Hrona châh chyu kawpa liata nâ châh nata daihti zy chyhsa hropa ta ahaona, achhiena la tawhta viari tho khona zy ta na hro apa chhâsa achhua kha ei. 16-Na thachhana daihti ta mâ hluh sa achhau mah ei. 17-Daihti kho chhiepa liata phaleina/chhiena zy my/pahlei padia khai ha mah ei. Nâ kyhpa cha viasa zy daihti kho chiepa lia tao chhheipa zy halei pata rei kha ei, rah rina zy hawpa napie awpachâ hra vei.He zy he cha atahma tana hro lyna acha parao pari tuhpa dei ama achâ. 18-Châna liata âly thaituhpa châ lyma mah ei. 19-Kheihawpa a-ie a chhiana rai châsala ahropa buaba na maih liata thaichâ khôh na palôh pa hlei ha mah ei. A-ie chhiana cha viasa loh khei pa hleina lâpi dei achâ. 20-Eima hrona he siku akiahhaipa hâti hawta achâ, hro liata achu awpa hlupi hneipa châta na hmâthai kiha na hro chho châta acha dychhy phatuhpa achuna achâ aw. 21-Pangiepha thei leimala, pahnei hlu achhu aleima mah ei. Community; 22-Chhôhkha nata aly kawpa nata akaoraoh na pha kawpa hnei thei lyma ta y achhua la,lahlapina tlôti chhao ta kha azaona vaw tao lyma mah ei. 23-No avaw chhipa maih liata ly chhipa hmô sâkha khan a heih viasa hno pie thei pha achhua mah ei. 24-Kyhtoti liata na heiviasa ngiathai pha thei achhua lyma mah ei. 25-Kô 70 hlei u-theipa mah-nô mah-paw zy kô 6 ry hâti zy nata achâh pie ta bie rei hnai thei achhua leima mu vei. 26-No tla hlata achy chaita chyhda pathôh pahnei saachhua mah ei. 27-Chyhsa mo hropa ta ama cha hmo nata nama châna alyu lei zie a my beih kha ei. 28-Rai dei hmiapasa ta na vaih zy my , châh nata daihti zy pie thei lei hawpa achâ lei naw pata azao mah ei. Tlalei-chielei/rairu na nâty daihti ta narai ta cha mo ho thai lei awpa ta navaih zy deita ta tawhta baona nahmo thei pa achâ. life; 29-Hmô pha taona liata tha diah ra rai khah ei. 30-Hmopha pa ky lia naihny so leipa la, phupy tao hrina lia chhao ta y/akoraoh na hnei thei achhua lyma mah ei. 31-Â ngia thai thei na hro he hnei achhua leima mah ei. 32-Ngiathai theina he ta kyhtoti liata dyryna atlo khei pha ty. 33-Thôko lo, o chhôh sahro zao, viasa, vaih nata akao raoh na phapa hnei la, na hro lia kyhpachâna hro palaiseihsa lyma mah ei. 34-Zozaw ta hro lypha tuhpa châ la, hro he alyna ta hmapha mah ei. Last but not list; 35-Cha taotuhpa Khazohpa nata akao raona phapa hnei lyma mah ei!! A chô liata palasapa zydua he keima pôhkha chhao ta ei hro châta ei kho kawpa châ hra ta, eima pôhkha avai thai nawpa châta aphahnai pata ei pachâ vâta namo châ avaw reih tuhpa zy hnota saiheina chô ta ei theina haw ta eima châ ta ei vaw paliepa achâ. Ei chaly kaw ei! Aly thaphapa hro nama zy dua vaw hnei thei chyu hra mu vei!!! By/sl.beichotha.